Landfyllingar

Landfyllingar eru hluti af stækkun hafnarsvæða og byggingu hafnarmannvirkja. Landfyllingar hafa áhrif á náttúrulega lögun hafnarinnar, auk þess að breyta samsetningu þeirra jarðefna sem eru til staðar innan hafnarsvæðisins (t.d. með endurnýtingu fyllingarefna og jarðvegs frá framkvæmdum).

Hjá Faxaflóahöfnum er haldið utan um upplýsingar um landsvæði sem fer undir landfyllingar og tegundir og magn efna sem notað er til landfyllinga samanber töflu 16 og mynd 11.

Notkun efnis frá dýpkunarframkvæmdum auk fyllingarefnis og jarðvegs frá framkvæmdum er skilgreind sem endurvinnsla. Fyllingarefni frá útboðsverkum skilgreinast ýmist sem endurvinnsla eða efni úr námum. Sá verktaki sem vinnur að umræddri framkvæmd útvegar það efni sem þarf til framkvæmdarinnar. Allt fyllingarefni sem notað var til landfyllinga á árinu 2017 var jarðvegur frá framkvæmdum, fyllingarefni frá stóriðju og keypt fyllingarefni úr útboðsverkum.

Tafla 16. Landsvæði til landfyllinga og magn og tegundir efna sem notuð voru til landfyllingar árin 2016 og 2017

		2016	2017
		Magn	Magn
Landsvæði til landfyllinga	ha	1	1,9
Magn efna til landfyllinga, áætluð skipting
Dýpkunarefni til landgerðar	m3	0	0
Endurvinnsla fyllingarefnis og jarðvegs frá framkvæmdum og rekstri	m3	16.200	60.000
Efni í flæðigryfju frá stóriðju	m3	19.500	17.500
Fyllingarefni í útboðsverkum	m3	4.800	78.000
Keypt fyllingarefni úr námum í sjó	m3	0	0
Heildarmagn efnis til landfyllinga	m3	40.500	155.500

Mynd 11. Magn efna til landfyllinga, áætluð skipting árin 2013 til 2017